MOS Kleinskoolnetwerk
Bemagtig jou gemeenskap met gehalte Afrikaanse onderwys
Begin jou eie suksesvolle skool. Die tyd om ‘n verskil te maak, is nou. Word deel van die MOS Kleinskool Netwerk en wees die volhoubare verandering wat jou gemeenskap nodig het.
Vennote en akkreditasies
Skole vir elke leerfase: van Graad R tot Graad 12
Die MOS Kleinskoolkonsessie-model het reeds gemeenskappe bemagtig om suksesvolle skole te vestig met ‘n 100% IEB-slaagsyfer.
Ons glo dat elke kind, ongeag waar hy of sy woon, toegang moet hê tot bekostigbare, gehalte-onderrig in hul moedertaal en binne hul eie gemeenskap.
Bewese kurrikulum wat KABV- en IEB-vereistes dek
Spesialis vakkundige ondersteuning
Word deel van suksesvolle nasionale skolenetwerk
Ondersteuning en bystand in elke fase van die proses
Wat is die uitdaging?
‘n Gebrek aan toegang tot gehalte onderwys, hou gemeenskappe terug
Gehalte onderrig is nie vir alle gesinne maklik bekombaar nie — of jy nou in ’n besige stad of ’n afgeleë platteland woon. Ouers voel al hoe meer gefrustreerd wanneer hul kinders sukkel om akademies en emosioneel te floreer, bloot omdat hul huidige onderwysopsies tekortskiet.
Vir baie leerders beteken skooltoe gaan lang reistye, ekstra koste en ure se afwesigheid van die huis — faktore wat gesinsroetines ontwrig en kinders onder druk plaas. Die gevolge? ’n Direkte impak op hul ontwikkeling, welstand en leerervaring.
Maar dit hóéf nie so te wees nie. Daar is beter opsies — kwaliteit onderwys wat kinders ondersteun, ouers gemoedsrus gee en by die moderne lewe aanpas.
“Ons verstaan die penarie waarin ouers hulself bevind, want ons is ook ouers met kinders wat opsoek is na goeie onderwys alternatiewe.“
– Janri Visagie, MOS Kleinskool
Wat MOS Kleinskool Netwerk vir jou bied
Geleentheid om ‘n winsgewende privaat skool te besit
Die MOS-leerstelsel bied die
voordeel van skaal op ‘ n onmiddellike basis, weens die leerkragte wat reeds saam met die stelsel kom. Jy as eienaar hoef dus nie vêr en wyd te gaan soek vir vakspesialiste nie. Dit is deel van ons aanbod.
voordeel van skaal op ‘ n onmiddellike basis, weens die leerkragte wat reeds saam met die stelsel kom. Jy as eienaar hoef dus nie vêr en wyd te gaan soek vir vakspesialiste nie. Dit is deel van ons aanbod.
Deel van ‘n sterk netwerk
Jy sluit aan by die groter MOS-netwerk, wat voortgesette opleiding en bystand bied in aspekte soos bemarking, finansies, bestuursstrategieë en algemene skoolbestuur.
Wetlike voldoening en registrasie
Ons help jou om aan alle vereistes vir onafhanklike privaat skole te voldoen.
‘n Bewese kurrikulum
‘n Moderne, toekomsgerigte kurrikulum wat KABV-vereistes vir graad R tot 9 en IEB-vereistes vir graad 10-12 dek. Die kurrikulum fokus op selfgerigte leer, kritiese denke en digitale vaardighede. Tot op hede het ons ‘n 100% IEB-slaagsyfer by MOS-skole.
Aanlyn vakkundige ondersteuning
Kinders ontvang daaglikse terugvoer en begeleiding van gekwalifiseerde aanlyn vakkundiges.
Wie is reeds in ons netwerk?
geakkrediteerde mos kleinskole
Ontmoet Platteland Akademie
Ons is geleë in De Aar, in die middel van die uitgestrekte platteland met sy groot afstande na groot stede en alternatiewe openbare of onafhanklike skole. Tydens die Covid 19-pandemie het baie gesinne tuisonderrig gekies en begin soek na skole nader aan hul huise, waar dit ‘n uitbreiding en verbetering sou wees op die 1:1-onderrig waaraan hul kinders gewoond geraak het.
geakkrediteerde mos kleinskole
Ontmoet Grootrivier Akademie
“Die mens kan sy eie pad beplan, maar die Here bepaal hoe die pad loop.” so vertel Minette Hattingh, eienaar van Grootrivier Akademie, oor die droom in haar hart.
In November 2024 kom vertel ‘n goeie vriendin my van Die MOS Inisiatief. Ek het nog nie vantevore van Die MOS Inisiatief gehoor nie maar is toe dadelik baie opgewonde oor die moontlikheid om te kan betrokke raak vanuit Aliwal-Noord. Die MOS Inisiatief praat nie net Afrikaans nie, maar ook my lewenstaal van potensiaal- en leierskapontwikkeling in kinders. Dit maak my ontsettend opgewonde en ek wou baie graag deel word van hierdie groep mense.
volg die stappe
Dis so maklik soos 1-2-3 om ‘n MOS Kleinskool te begin
Neem beheer oor jou gemeenskap se onderwysbehoeftes! Bied kinders in jou omgewing die geleentheid om gehalte onderrig naby hul huis te ontvang.
Kontak ons
Vir navrae oor fooie en opsies, kontak die MOS-Kleinskoolnetwerk.
Maak ‘n afspraak
Voer ‘n verkenningsgesprek om behoeftes en geleenthede te bespreek.
Stel ‘n plan op
Stel ‘n tydlyn en strategie op vir die pad vorentoe.
‘n Toekoms Gebou op Sterk Waardes
Beginsels wat elke kind na betekenisvolle leer en ‘n blink toekoms lei
Ons kernwaardes definieer ons visie vir onderwys in Afrikaans. Ubuntu simboliseer ons geloof in insluiting en deernis, ons omarming van die toekoms inspireer kinders om innoverend te dink en ons fokus op lewenslange leer help om ‘n blywende liefde vir kennis en groei aan te wakker.
Ubuntu
‘n Eienskap wat twee van die noodsaaklike menslike deugde, naamlik deernis en menslikheid, insluit. Ons glo daarin dat gehalte onderrig die voorreg van almal is en niemand daarby uitgesluit mag word nie. Ons model is dus op ‘n insluitende, inklusiewe model gebaseer wat maklik toeganklik vir alle moedertaalsprekers is.
Omarm die toekoms
Die wêreld waarin ons leef verander elke sekonde. Die MOS Inisiatief erken die dinamika van leer en die behoeftes van die arbeidswêreld wat deurlopend verander en poog daarin om ons leerders op al die verwagtinge en uitdagings voor te berei deur die vaardighede wat deur ons stelsel aangeleer word.
Lewenslange leer
Die doelwit van Die MOS Inisiatief is om ‘n liefde vir leer by elke leerder te kweek sodat hulle lewenslange leerders sal word wat deur hulle kennis, vaardighede en ondervinding ‘n sinvolle bydrae tot die wêreld sal maak.
Gereelde vrae
Is ‘n “Kleinskool” en ‘n “Leersentrum” dieselfde?
Nee, ‘n MOS Netwerk Kleinskool is ‘n onafhanklike privaat skool wat geregistreer word by die Departement van Onderwys. ‘n Leersentrum is nie ‘n wettige entiteit waarin formele onderrig kan plaasvind nie.
Waarom wil ek ‘n Kleinskool begin as ek net kan tuisonderrig by MOS-Wêreldwyd?
In die tuisskoolomgewing onderneem die ouer volle verantwoordelikheid vir sy/haar kind se akademiese vordering en standaard. By ‘n Kleinskool (privaat skool), plaas die ouer die leerder in ‘n sekondêre instansie vir onderrig en die skool neem nou verantwoordelikheid vir die leerder se akademiese vordering.
Kan enige iemand ‘n Kleinskool begin of moet ek ‘n onderwyser wees?
Jy hoef nie ‘n onderwyser te wees om die eienaar van die skool te wees nie. Die Departement van Onderwys vereis minstens een geregistreerde SARO-opvoeder (SACE) op die perseel en ag dit as een van die registrasievereistes. As jy wel ‘n onderwyser is, kan jy dien as eienaar en hoof / leerbestuurder.
Hoeveel leerders en onderwysers het ek nodig om ‘n skool te begin?
Met so min as 5 leerders kan jy jou eie skool begin in samewerking met die MOS Kleinskoolnetwerk. Ons produk en diens bied vakkundiges wat terugvoering gee op leerders se werk, dus hoef jy slegs een Leerbestuurder aan te stel ten tyde van die opening van die skool. Hierdie model verseker bekostigbaarheid vir die voornemende eienaar, want ons almal weet die koste om ‘n goeie onderwyser(s) aan te stel, is hoog as daar reeds klomp uitgawes is om die skool van die grond af te kry.
Wat is ‘n “Leerbestuurder”?
‘n Leerbestuurder is iemand wat verantwoordelik is vir die leerder se algemene en akademiese vordering. By die MOS glo ons dat die leerder self eienaarskap moet neem van hul leerproses. ‘n Leerbestuurder (wat as gids of fasiliteerder optree) moet wel beskikbaar wees om die leerder by te staan en te begelei indien die leerder sou vashaak in sy leerreis.
Wat is die verskil tussen “tuisskool” en ‘n “gewone skool”?
As ‘n tuisskoolouer, onderneem jy om volle verantwoordelikheid te aanvaar vir jou kind se akademie, veiligheid en sosiale interaksie. In ‘n skoolomgewing onderneem die skool om daardie verantwoordelikheid te aanvaar en wy hulle daartoe om leerders akademies te onderrig, hulle veilig te hou tydens amptelike skoolure en skoolaangeleenthede, en sosiale interaksie vind spontaan plaas binne en buite die klaskamer.
Hoeveel kos dit om ‘n Kleinskool te begin en wat het ek alles nodig?
Elke situasie is uniek. Om deel te raak van hierdie innoverende diensopsie, kontak gerus vir Janri Visagie.
Enige ander vrae?
Kontak onsKontak ons